Веб страницата „Огледало на Владата“ ги информира засегнатите страни во делот Документи

Детали

Објавено: Понеделник, 27 Август 2012 09:56

Министерствата имаат обврска своите предлог прописи да ги објават на ЕНЕР и на својата веб страница како отворени за коментирање во временски период од најмалку 10 (десет) дена според Деловникот за работа на Владата на РМ (Службен весник на РМ бр. 36/08), член 71 и 30 (триесет) дена според Упатство за начинот на постапување во работата на министерствата за вклучување на засегнатите страни во постапката за изготвување закони (Службен весник на РМ бр. 150/11), Член 5.

Веб страницата Огледало на Владата (http://www.ogledalonavladata.mk/) во делот Документи овозможува инфомирање за:

• Прописи - постоечките прописи во Македонија кои го уредуваат процесот на консултирање на сите засегнати страни при креирање политики;
• Публикации - издадени со цел поддршка за граѓанските организации и зајакнување на нивниот капацитет за јавно учество во подготвка на закони;
• Циклус на креирање политики - Стратешко планирање на Владата на РМ; Фази на подготовка на јавни политики; Подготовка на закони со РИА и Законодавна постапка во Собрание.

Подготвена веб страницата „Огледало на Владата“

Детали

Објавено: Среда, 22 Август 2012 09:53

Во рамки на проектот „Огледало на Владата“ подготвена е веб страницата www.ogledalonavladata.mk каде можете да ги најдете сите информации за активно вклучување во подготовка на прописи.

Во делот Коментирај предлог прописи вклучете се и дадете мислење за актуелните отворени предлог закони. Ќе ги најдете на едно место сите отворени предлог прописи со директни линкови до истите заради олеснување на партиципативниот процес и поголема пристапност на граѓанските организации и граѓаните во остварувањето на правото на вклученост во креирање на легислатива.