Фази за подготовка на политиките и законите

Детали

Објавено: Вторник, 25 Септември 2012 10:18

Фазите за подготовка на политиките и законите подетално се пропишани во две методологии усвоени од Владата на Република Македонија, Методологијата за анализа на политиките и координацијата и Методологијата за процена на влијанието на регулативата

Според Методологијата за анализа на политиките и координацијата можноста за вклученост на граѓанските организации особено е нагласена во фазата на подготовка на предлози за политики и предлози за инструменти на политики од органите на државната управа како и во фазата на следење на спроведувањето на политиките.

Методологијата за процена на влијанието на регулативата носи повеќе придобивки, а пред се ја дефинира обврска за вклучување на засегнатите страни од самиот почеток на процесот на изготвување на законите, односно од донесување на Годишната програма за работа на Владата на Република Македонија.

Фазите на подготовка на политиките и законите детално проучете ги во прирачникот.

Циклус на стратешко планирање

Детали

Објавено: Четврток, 13 Септември 2012 10:14

Процесот на утврдување стратешки приоритети на Владата, најчесто е почеток на процесот на подготовка на политиките, а со тоа и на законите.

Процесот на стратешко планирање е примарна обврска на Владата и органите на државната управа, но неопходна е соработка со социјалните партнери, другите општествени групи и граѓанските организации кои во одредени ситуации може да бидат многу релевантни за подготовката на овие процеси.
Граѓанските организации кои сакаат да бидат проактивни и вклучени во овие процеси треба да го познаваат циклусот и временските рокови за стратешкото планирање.

Директни линкови до сите релевантни институции на веб страницата „Огледало на Владата“

Детали

Објавено: Среда, 05 Септември 2012 10:10

Сајтот www.ogledalonavladata.mk ви овозможува преглед на директни линкови до веб страници на државните институции на коишто можете да го следите процесот на донесување на одлуки.

На едноставен начин пристапете до веб порталите во земјата кои ги содржат сите информации за процесите на креирање политики и донесување закони и можностите за вклучување на јавноста, а тоа се следните:

• ЕНЕР (Единствен национален регистар на прописи на Р.Македонија) – алатка првенствено наменета за електронско информирање на целокупната јавност во земјата, која преку доставување предлози, мислења и забелешки може навремено да се вклучи во креирањето на регулативите
• Е-демократијa – Модерен метод на јавна расправа
• Право - База на закони, анализи, судски пракси, итн.
• Службен весник - Официјално објавување на усвоени закони, другите прописи и акти.