1.0
ИНФОРМИРАЈ СЕ ЗА ПРОЦЕСОТ НА ПОДГОТОВКА НА ЗАКОНИ
Основни информации за процесот и роковите за проценка на влијанието на регулативата (ПВР)

Прочитај повеќе
2.0
КОМЕНТИРАЈ НА ПРЕДЛОГ-ЗАКОНИ НА ЕНЕР
Линкови до предлог-закони објавени на Единствениот национален електронски регистар на прописи (ЕНЕР)

Прочитај повеќе
3.0
КОЛКУ СЕ ПОЧИТУВААТ РОКОВИТЕ ЗА КОНСУЛТАЦИИ?
Преглед по министерства за почитување и отстапки од минимален рок од 10 дена за консултации на предлог-закони на ЕНЕР
Прочитај повеќе

МЦМС во партнерство со Балканска мрежа за развој на граѓанското општество (БЦСДН) на 4 јули во Скопје организираше регионална работилница „Партнери или противници?: Размена на добри практики за следење на владините политики и процеси во земјите на проширување“. На работилницата учествуваа околу 40 претставници на граѓанските организации, владините институции и меѓународните организации од Македонија и од земјите од регионот: Косово, Црна Гора, Србија, Хрватска, Турска, Босна и Херцеговина и Словенија.

IMG 8607-1

Присутните претставници ги поздравија Роберт Лидел, од Делегацијата на Европската Унија, Емина Нурединоска од МЦМС и Тања Хафнер Адеми од БЦСДН.

На трите сесии претставниците на граѓанските организации од Македонија и регионот имаа можност да разменат добри практики во три различни области: мониторинг на владините политики и процеси; учество и консултации на граѓанското општество и граѓаните во креирањето политики и подготовка на закони и нови технологии и учество.

На првиот панел Тина Дивјак од ЦНВОС од Словенија ја презентираше методологијата за следење и оценка на отвореноста на владините институции кон граѓанскиот сектор и практиките на консултации во процесот на подготовка на закони. Методологијата е развиена од страна на ЦНВОС и успешно се спроведува во текот на последните неколку години во Словенија. Марија Саздевски од МЦМС ги претстави првичните резултати од истражувањето на состојбата на општа комуникација на државните институции со јавноста и постоењето поддржувачка околина за вклучување на граѓанските организации во консултативните процеси. Напорите на граѓанските организации од Хрватска за заедничко застапување ги сподели Милана Ромиќ од Платформата 112. Платформата 112 е развиена од страна на 60 граѓански организации, кои континуирано работат на заштита на човековите права, демократизација, градење на мир, борба против корупцијата и за заштита на јавните ресурси, особено на животната средина.

IMG 8678-1

Втората сесија беше фокусирана на практиките на консултации во Косово, Србија и Црна Гора. Таулант Хоџа од Косовската фондација за граѓанско општество (КЦСФ) даде преглед на состојбата на консултативните процеси во Косово најмногу на примерот на Прирачникот за јавни консултации. Прирачникот е изготвен од страна на КЦСФ и усвоен од Владата со што е обезбеден официјален Водич за јавни консултации и општи информации, совети и алатки за консултации. Механизмот СЕКО за консултации во врска со програмите ИПА го презентираше Маја Стојановиќ од Граѓански иницијативи од Србија. Секторски поделени граѓанските организации ќе се вклучат во консултациите во една од 8-те области на работа: владеење на правото; реформа на јавната администрација; граѓанско општество, медиумите и културата; усогласување; развој на човекови права; локален и рурален развој; транспорт и животна средина и енергетската ефикасност. Искуството на граѓанските организации од Црна Гора од учеството во интер-министерските работни групи за Поглавјето 23 го сподели Ана Новаковиќ од Центарот за развој на граѓанските организации (ЦРНВО). Со ова на граѓанските организации во Црна Гора им се овозможила активна улога во процесот на преговори за пристапување кон ЕУ. Беше направена и презентација на Советот за развој на граѓанското општество како можност македонските учесници да научат повеќе за телото кое треба да биде развиено и во Македонија.

На третиот панел Симон Делакорда од Институтот за електронска партиципација (ИНеПА) зборуваше за е-учеството и можностите што ги нуди современата технологија во учеството и консултациите во Словенија. Дарко Соковиќ од Докукино од Србија даде различни примери и иновативни начини како граѓанските организации да стигнат до целните групи и да ги пренесат своите пораки.

Средбата беше одлична можност да се разговараат тековните проблеми преку добри примери од регионот и со предлагање нови можности за соработка меѓу граѓанските организации и другите партнери.

Работилницата беше организирана во рамките проектот „Огледало на Владата: учество на јавноста во процесите на подготовка на закони“ финансиран од Европската Унија од Европскиот Инструмент за човекови права, а спроведуван од МЦМС во партнерство со ЦНВОС и БЦСДН.

Регистрирај се за добивање информации

Регистрирај се и добивај преку е-пошта редовни неделни и месечни прегледи на објавени предлог-закони на Единствениот национален регистар на прописи (ЕНЕР – www.ener.gov.mk), како дел од активностите за следење на отвореноста на процесите на подготовка на закони.

Навигација

Оваа активност се спроведува во рамки на Граѓанскиот ресурсен центар, проект финансиран од Европската Унија а спроведуван од МЦМС, Скопје во партнерство со АДИ, Гостивар и Медиа плус, Штип. Целта на активноста е да се зголеми информираноста на граѓаните и да се поттикнат граѓанските организации и другите засегнати страни да учествуваат во раните фази на подготовката на законите. Оваа активност е продолжување на проектот Огледало на Владата, отпочнат во 2012 г., со поддршка на ЕУ(ЕИДХР) и УСАИД.

mcms-logo-textgrc